दाङ,कात्तिक ९।रुकुम पश्चिममा प्रहरीले चितुवाको छालासहित २ युवालाई पक्राउ गरेको छ । मुसीकोट नगरपालिका–७ वैरीदहबाट दुई युवालाई चितुवाको छालासहित पक्राउ गरेको छ ।
पक्राउ पर्नेमा जिल्लाको पुथाउत्तरगंगा गाउँपालिका–१४ निवासी छाँया विक र दाङको घोराही उपमहानगरपालिका–१२ का १९ वर्षीय गणेश नेपाली रहेका छन् । जिल्ला प्रहरी प्रमुख डिएसपी सुमित खड्काले उनीहरुको साथवाट चितुवाको छाला समेत बरामद भएको बताए ।
रुकुम पश्चिमको मुसीकोट नगरपालिका–७ वाट उनीहरु पक्राउ परेको प्रहरीले बताएको छ । शुक्रबार रुकुम पूर्वबाट मध्यपहाडी लोकमार्ग भएर खलंगातर्फ आइरहेका उनीहरुलाई गोप्य सूचनाको आधारमा पक्राउ गरिएको डिएसपी खड्काले जानकारी दिए । पक्राउ परेका दुबै जनालाई आवश्यक कानुनी कारवाहीको लागि वन कार्यालयमा बुझाउने डिएसपी खड्काले बताए ।
प्रकाशित मिति : २०७६ कार्तिक ९ गते शनिवार
