दाङ,कात्तिक ४ । राप्ती स्वास्थ्य विज्ञान प्रतिष्ठान दाङका रजिष्ट्रार रामप्रशाद प्याकुरेलमाथि हातपाट गरेको अभियोगमा बिवेक श्रेष्ठ पक्राउ परेका छन् । सत्तारुढ दल नेकपाका नेता श्रेष्ठले भदौ ११ गते कार्यकक्षमै प्रवेश गरेर प्रतिष्ठानका रजिष्ट्रार श्रेष्ठमाथि हातपात र दुव्र्यवहार गरेको अभियोगमा प्रहरीमा मुद्दा दर्ता रहेको छ ।
त्यसयता लुकिछिपी बस्दै आएका श्रेष्ठलाई प्रहरीले सोमवार कैलालीमा पक्राउ गरेको र उनलाई दाङ ल्याइदै गरेको जिल्ला प्रहरी कार्यालय दाङका प्रहरी प्रबक्ता विनोद विक्रम शाहले जानकारी दिए ।
श्रेष्ठमाथि डिउटीमा रहेका प्रहरीलाई समेत हुत्याएको प्रहरीले बताएको छ । आन्दोलनको नाममा रजिष्ट्रार र डिउटीको प्रहरी समेतमाथि हातपात तथा अभद्र व्यवहार गरेको अभियोग लागेपछि विगत एक महिनादेखि श्रेष्ठ फरार रहँदै आएका थिए ।
प्रकाशित मिति : २०७६ कार्तिक ४ गते सोमवार
