तस्बिर : केएल पिडितको फेसबुकबाट
दाङ,असोज ११ । दाङमा बसको ठक्कर वाट मोटरसाईकल चालकको मृत्यु भएको छ । घोराही उपमहानगरपालिका वडा नं. १५ निवासी १७ बर्षीय प्रदिप जिसीको मृत्यु भएको छ । उक्त दुर्घटानामा परि मोटरसाईकलको पछाडि सवार घोराही १५ कै १६ बर्षीय सञ्तोष चौधरी गम्भीर घाइते भएका छन् । घाईतेको राप्ती स्वास्थ्य विज्ञान प्रतिष्ठानमा प्रारम्भीक उपचार पछि थप उपचारको लागि बाँकेको नेपालगञ्ज रेफर गरिएको छ ।
जिल्ला प्रहरी प्रबक्ता विनोद विक्रम शाहका अनुसार शनिवार बेलुका ५ बजेतिर घोराही १४ दामोदर चोक नजिकै तुलसीपुर तर्फ आउँदै गरेको रा १ प २१०६ नम्वरको बसले रा १ प ४१७९ नम्वरको मोटरसाईकललाई ठक्कर दिदा उक्त दुर्घटना भएको हो । मोटरसाईकल चालक जिसीको उपचारका लागि अस्पताल तर्फ लैजादै गर्दा सवा ५ बजेतिर मृत्यु भएको थियो । बस चालकलाई प्रहरीले नियन्त्रणमा लिएको छ ।
