दाङ,असोज १० । सल्यानमा तरकारी बोकेको पिकअप भ्यान दुर्घटना हुँदा एक महिलाको मृत्यु भएको छ भने थप ६ जना घाइते भएका छन् । पिकअप भ्यान दुर्घटना हुँदा त्यसमा सवार कपुरकोट गाउँपालिका वडा नं. ४ किमुचौर निवासी ६७ बर्षीया कर्नी पुनको मृत्यु भएको छ ।
शुक्रवार कपुरकोटमा लाग्ने हाट मेलामा तरकारी लिएर आउँदै गरेकी पुन दुर्घटनामा परेकी हुन । घाइते पुनको उपचारका क्रममा राप्ती प्रादेशिक अस्पताल तुलसीपुर दाङमा शुक्रवार विहान २ बजेतिर मृत्यु भएको प्रहरीले जानकारी दिएको छ । उक्त दुर्घटनामा परि कपुरकोट ४ किमुचौरकै ६८ महिनी पुन, ५३ बर्षीय लोकबहादुर घर्ती, ५३ बर्षकै टिकाराम घर्ती, २४ बर्र्षीया कृष्णा घर्ती, ४३ बर्षीय तिलक पुन र ३७ बर्षीय देबबहादुर पुन घाइते भएका छन् । उनीहरु सबैको तुलसीपुरस्थित प्रादेशिक अस्पतालमा उपचार भइरहेको छ ।
जिल्ला प्रहरी कार्यालय सल्यानका प्रमुख डिएसपी ढकेन्द्र खतिवडाले किमुचौरबाट तरकारी लिएर कपुरकोट तर्फ आँदै गरेको लु १ च ४१५३ नम्बरको पिकअप जीप पौने एकबजे कपुरकोट गाउँपालिका ४ किमुचौरमा दुर्घटना भएको थियो ।अनियन्त्रित भएर पिकअप सडकदेखि करिब २५ मिटर तल खसेको प्रहरीले बताएको छ । चालक र सहचालक प्रहरीको नियन्त्रणमा छन् ।
