Farakkon

News Portal From Nepal, 'Information, Your Rights'


यो वर्ष नै टरिगाउँ एयरपोर्टमा विस्तार हुन्छ – पर्यटन मन्त्री भट्टराई

एयरपोर्टलाई पाइलट तालिम केन्द्र बनाउने तयारी


तस्बिर : राजेश खत्री

वशन्त आचार्य,
दाङ,साउन २७ । संस्कृति, पर्यटन तथा नागरिक उड्डयन मन्त्री योगेश भट्टराईले टरिगाउँ विमानस्थलको धावन मार्ग विस्तारको काम यही वर्षदेखि नै सुरु हुने बताएका छन् । आन्तरिक उडानका लागि टरिगाउँ विमानस्थललाई विकास गर्न आफुले योजना समेत वनाएको उनले बताए । विमानस्थलको स्तरोन्नतीका साथै इन्धन डिपोको काम अगाडि वढाउन आपूर्ती मन्त्रालयसँग समन्वय गर्ने मन्त्री भट्टराईले प्रतिवद्धता जाहेर गरे । ‘तुलसीपुर विमानस्थलका वारेमा म पुरै जानकार छु । त्यहाँका जनतालाई न्याय दिनेछु,’ मन्त्री भट्टराईले भने । उनले नारायणपुर विमानस्थल दिर्घकालिन योजना भएको भन्दै अहिलेलाई आन्तरिक उडानको सहजताका लागि टरिगाउँ एयरपोर्टको धावनमार्ग विस्तार गर्न आवश्यक रहेको बताए ।

विमानस्थल र पर्यटन विकासका विषयमा मन्त्री भट्टराईलाई भेट्न गएको प्रतिनिधि मण्डलसँग टरिगाउँ विमानस्थललाई पाइलट तालिम केन्द्रका रुपमा विकास गर्ने गरि काम अगाडि वढाइएको समेत बताए । यसअघिका स्वर्गिय पर्यटन मन्त्री रविन्द्र अधिकारीले पनि टरिगाउँ एरपोर्टमा आउँदा त्यही कुरा व्यक्त गरेका थिए ।

‘नेपाल भित्र तालिम केन्द्र नहुँदा महंगो पैसा तिरेर वाहिर जानुपर्ने अवस्था छ । त्यो अन्त्य गर्न टरिगाउँ विमानस्थल उपयुक्त स्थान हो,’–मन्त्री भट्टराले भने । त्यसका लागि एकसाता भित्र विभिन्न निकायसँग सहकार्य गरेर अध्ययन समिति समेत वनाउने उनले बताए ।

टरिगाउँ विमानस्थलको धावनमार्ग सानो हुँदा साना खाले जहाज मात्रै वस्ने गरेको हुँदा यसलाई विस्तार गर्न सके केही ठूला जहाज अवतरण हुने छन् र त्यसले हवाई भाडा घट्ने आशा गरिएको छ । हाल ७ सय ५० मिटर लम्वाई रहेको धावन मार्ग विस्तार गरेर १ हजार २ सय मिटरसम्म गरि यो वर्ष नै वजेट विनियोजन गर्ने प्रतिवद्धता समेत मन्त्री भट्टराईले व्यक्त गरे । तुलसीपुर उपमहानगरपालिकाका नगरप्रमुख घनश्याम पाण्डेले विमानको स्तरउन्नतिको लागि मन्त्रीलाई ज्ञापन पत्र बुझाएका थिए ।

त्यसमा तुलसीपुर विमानस्थलका साथै पर्यटकीय स्थलको विकास र उन्नतिका माग गरिएको छ ।  त्यसअवसरमा प्रतिनिधि मण्डलमा प्रतिनिधिसभा सदस्य हिराचन्द्र केसी, गंगा चौधरी, विष्णु पौडेल, राष्ट्रियसभा सदस्य कोमल वली, नेकपा दाङ अध्यक्ष टिकाराम खड्का एवम् नेताहरु शोभाराम वस्नेत लगाएतका पुगेका थिए ।

 

प्रतिक्रिया दिनुहोस्

Your email address will not be published. Required fields are marked *

फेसबुक प्रतिकृया


    सोसल मिडिया

  • टुइटरमा पछ्याउनुहोस
  • फेसबूक पेज लाईक गर्नुहोस
  • युट्युब च्यानल सब्स्क्राइब गर्नुहोस
  • इमेल गर्नुहोस

हाम्रो टिम

अध्यक्ष
बिनिल केसी

व्यवस्थापन
दुर्गा खड्का


प्रधान सम्पादक
अर्जुन गिरी

सम्पादक
नारायण खड्का

मल्टिमिडिया
राजेश खत्री

ग्राफिक्स डिजाइनर
लालु चौधरी

रिपोर्टर
यमकला भुसाल
© २०१८ Farakkon.com सर्वाधिकार सुरक्षित | Website by : WitNepal