२०८१ असार २९ गते शुक्रवार

शहीद स्मारक ‘ए’ डिभिजनको अन्तिम दिन आज तीन वटा खेल हुँदै

काठमाण्डौ,फागुन १४ । शहीद स्मारक ‘ए’ डिभिजन लिग आज समापन हुँदैछ । लिगको अन्तिम दिन आज तीन वटा खेल हुँदैछन् ।

आज न्युरोड टिम एनआरटी र नेपाल पुलिस क्लब, त्रिभुवन आर्मी र मनाङ मर्स्याङ्दी तथा मच्छिन्द्र फुटबल क्लब र एपीएफ क्लब खेल्दैछन् । काठमाण्डौको त्रिपुरेश्वरमा रहेको दशरथ रङ्गशालामा दिउँसो एक बजे आर्मी र मनाङ तथा बेलुका साढे चार बजे मच्छिन्द्र र एपीएफ खेल्दैछन् ।

आर्मी १२ खेलमा २२ अङ्क जोडेर अङ्कतालिकाको दोस्रो स्थानमा छ । समान खेलमा मनाङ २० अङ्कसहित पाँचौँ स्थानमा छ । त्यस्तै मच्छिन्द्र १२ खेलमा ३२ अङ्कसहित शीर्ष स्थानमा छ । समान खेलमा १५ अङ्क जोडेको एपीएफ आठौँ स्थानमा छ ।

त्यस्तै एनआरटी र पुलिसको खेल एन्फा मैदान सातदोबाटोमा दिउँसो एक बजे सुरु हुनेछ । एनआरटी १२ खेलमा २० अङ्कसहित चौथो र समान खेलमा पुलिस १२ अङ्कका साथ एघारौँ स्थानमा छ । १३औँ तथा अन्तिम चरणको आजका खेलसँगै लिग सकिनेछ ।

लिगको विजेता र रेलिगेसनमा पर्ने दुई टोलीको टुङ्गो भने यसअघि नै लागिसकेको छ ।

लिगको ११औँ चरणमा मच्छिन्द्र फुटबल क्लबले उपाधिको जितिसकेको छ । त्यस्तै च्यासल युथ क्लब र ब्रिगेड ब्वाइज रेलिगेसनमा परेका छन् ।

प्रकाशित मिति : २०७८ फाल्गुन १४ गते शनिवार
प्रतिक्रिया दिनुहोस

Leave a Reply

Your email address will not be published. Required fields are marked *