लक्ष्मण बस्नेत ,
दाङ,पुस २३ । दाङको तुलसीपुरमा यहि पुस २५ गते देखि सुरु हुन लागेको स्काई वर्थ कप कर्पोरेट फुटसल प्रतियोगिता २०७६ को तयारी पूरा भएको छ ।
रोट्रयाक्ट क्लब अफ तुलसिपुरकोआयोजनामा तुलसिपुर ६ स्थित द लेजेण्ड फुटसल ग्राउन्ड मा संचालन गरिन लागेको प्रतियोगिता को आर्थिक, प्राबिधिक तथा प्रचार प्रसार लगाएतको तयारी कार्य पूरा भएको प्रतियोगिता का संयोजक सुरज राईमाझी ले जानकारी दिए ।
स्थानिय स्तरमा फुटसल खेलको पहुच अभिवृद्धि गर्ने र आपसी भाईचारा कायम राख्ने उदेश्यका साथ आयोजना गरिएको प्रतियोगितामा १३ टिमको सहभागिता रहेको छ ।
प्रतियोगिताको उपाधी चुम्ने टिमले नगद २० हजार पुरस्कार, कप,हात पार्नेछ । त्यस्तै उपविजेताले नगद १० हजार तथा कप हात पार्नेछ । त्यस्तै प्रतियोगिता अवधीभर उत्कृष्ट खेल प्रर्दशन गर्ने ब्यक्तीगत बिधा तर्फ प्लेयर अफ टुर्नामेन्ट र बेस्ट स्कोरर लाई पुरस्कृत गरिने क्लबका अध्यक्ष नवीन कुमार राई ले जानकारी दिए ।
पुस २६ गते सम्म चल्ने प्रतियोगिताका खेलहरु नकाउटका आधारमा खेलाईनेछ ! यसैबिच प्रतियोगिताको उद्घाटन दिउँसो १ बजे गरिनेछ । उद्घाटन खेलमा तुलसिपुर उधोगबाणिज्य संघ र पत्रकार को टिम भिड्नेछ्न् ! खेल दिउँसो २ बजे बाट सुरु हुने क्लबका महासचिव कमल डागिले जानकारी दिए ।
