तुलसीपुर,माघ ९ ।किवानिस क्लब अफ राप्तीले तुलसीपुर ११ शितलपुरमा रहेको पवित्र बबई नदीमा सरसफाई गरेको छ । शुक्रवार एक कार्यक्रमको आयोजना गरि स्थानीयवासी, जनप्रतिनिधी, सुरक्षाकर्मी, सञ्चारकर्मी, अधिकारकर्मी लगाएतकाको सहभागीतामा नदीको शबदाह वरिपरी रहेको झारपात,पलाष्टिक,काठ टुक्राहरु संकलन गरि जलाएको छ ।
किवानिस क्लब अफ राप्तीका अध्यक्ष बिमल पोख्रेलको अध्यक्षतामा भएको कार्यक्रमलाई सम्बोधन गर्दै प्रमुख अतिथि तुलसीपुर उपमहानगरपालिकाका उप-प्रमुख माया शर्माले सामाजिक सेवाभावका साथ गठन भएको क्लवले आगामी दिनहरुमा पनि आफ्ना हरेक क्रियाकलापहरुलाई निरन्तरता दिन आग्रह गर्दै सामाजिक कार्यक्रममा क्लवको भुमिका उदाहरणीय बन्नुपर्नेमा जोड दिइन । उनले यस्ता खालका कार्यमा उपमहानगरपालिका सदैब साथमा रहने प्रतिबद्धता समेत व्यक्त गरिन ।
कार्यक्रममा तुलसीपुर उपमहानगरपालिका वडा नं ११ का अध्यक्ष चित्रबहादुर वलिले शबदाह व्यवस्थापनका लागी वडाबाट सक्दो सहयोग गर्ने प्रतिबद्धता जनाए। त्यस्तै महिला अधिकारकर्मी सुस्मा गिरीले यो कार्य सबैका लागी एउटा महत्वपुणर् सिकाई भएको बताउदैँ यसमा सबैको साथ र सहयोगको जरुरी रहेको बताइन ।
त्यस्तै क्लवले मानविय सेवा भावका साथ शबबहान खरिददेखि सार्वजनिक स्थानमा शौचालय बनाउने,तुलसीपुर बजारमा पैदल हिडे बटुवाहरुलाई फिल्टर गरिएको पानी निशुल्क खुवाउने लगाएतका कार्यकम गर्ने योजना रहेको जनाएको छ । क्लवका वरिष्ठ उपाध्यक्ष भुपाल रावतको स्वागत मन्तव्यबाट सुरु भएको कार्यक्रमको सहजीकरण क्लवका सदस्य नरेन्द्र वलिले गरेका थिए ।
