दाङ, मंसिर १६ । रोल्पाको रुन्टीगढी गाउँपालिका–४ को वडाध्यक्षका लागि भएको निर्वाचनमा नेपाली कांग्रेसबाट भूपमणि पुन मगर निर्वाचित भएका छन् ।
प्रदेश निर्वाचन कार्यालय दाङका कम्प्युटर अप्रेटर गेहेन्द्र कुँवरले काँग्रेसका मगरले ६४३ मत प्राप्त गरि निर्वाचित भएका फरककोणलाई बताए ।
उनका निकटतम प्रतिपष्र्धी नेकपा एमालेबाट बेगम पुन मगरले ५३५ मत प्राप्त गरेका थिए । अर्का प्रतिष्पर्धी नेकपा माओवादी केन्द्रका उम्मेदवार नरेशजंग सिंहले ७० मत प्राप्त गरेका थिए ।
त्यस्तै राष्ट्रिय प्रजातन्त्र पार्टीका उम्मेदवार पहलबहादुर वलीले १०, राष्ट्रिय स्वतन्त्र पार्टीका हिमबहादुर पुनले ७ र मंगोल नेसनल अर्गनाइजेसनबाट पूर्णबहादुर बुढा मगरले पनि ७ मत प्राप्त गरेका थिए । यहाँ २१ मत बदर भएको थियो । २०७९ सालमा पनि कांग्रेसकै टंकबहादुर पुन निर्वाचित भएका थिए। उनको मृत्यु भएको थियो।
अहिले भएको उपनिर्वाचनमा यहाँ झण्डै ६० प्रतिशत मत खसेको थियो । एक हजार दुई सय ९७ मत खसेको थियो । कुल मतदाता एक हजार नौं सय थिए ।
