दाङ, कात्तिक २६ । बाँकेस्थित बैजनाथ गाउँपालिका– ३ नौबस्तास्थित सुधार गृहका सोमबार तीन जना बन्दी भागेका छन् ।
दाङ,प्यूठान र बाँके घर भएका तीन जना भाग्न सफल भएको जिल्ला प्रहरी प्रमुख एसपी तुलबहादुर कार्कीले जानकारी दिए । भागेका तीनै जना झन्डै एक बर्ष पहिले डडुवा गाउँपालिकाको हिरमनियास्थित सुधार गृहवाट नौबस्ता स्थान्तरण गरिएका थिए ।
‘ त्यहाँ झगडा गर्नेहरुलाई नौबस्ता सारिएको थियो,’ कार्कीले भने ‘ फेरि उनीहरुले त्यस्तै लफडा गरि यहाँवाटपनि भागे छन् ।’
उनीहरुको खोजी कार्य जारी रहेको भन्दै प्रहरीले फरार तीन जनाको नाम ठेगाना भने खुलाइएको छैन ।
बालबिज्जक मुद्दा अन्तगत सुधार गृहमा राखिएपनि उनीहरुको आजको उमेर भने २० देखि २२ बर्षसम्मको रहेको अधिकारीहरुले बताएका छन् ।
सुधार गृह भित्रको नीति नियम कारागारको भन्दै भिन्दै हुन्छ । भित्र प्रहरी प्रबेश गर्न तथा उनीहरु माथि बल प्रयोग गर्न पाउँदैन ।
भागेका तीन जनाको खोजीका लागि ठूलो संख्यामा सुरक्षाकर्मी परिचालन गरिएको छ ।
