२०८१ असार ६ गते बुधवार

जीप दुर्घटनामा तीन जनाको मृत्यु, तीन जना घाइते

दाङ, जेठ २८ । रुकुम पश्चिममा जीप दुर्घटना हुँदा तीन जनाको घटनास्थलमै मृत्यु भएको छ। थप तीन जना घाइते भएका छन् । घाइते मध्य दुइको अवस्था गम्भीर रहेको छ ।

दुर्घटनामा परि बर्दियाको ठाकुरबाबा नगरपालिका–५ का २७ बर्षीय सौगात विक, सुर्खेतको बराहताल गाउँपालिका–५ का १९ बर्षीय जितबहादुर कार्की र सुर्खेतको गुर्भाकोट नगरपालिका–८ मेलकुनाका चालक धर्मेन्द्र श्रेष्ठको मृत्यु भएको छ।

दुर्घटनामा परि रुकुम पश्चिमको बाँफिकोट गाउँपालिका–४ छिनखेतका १७ वर्षीय सुजल विक, बर्दिया ठाकुरबाबा नगरपालिका–५ बनकट्टीका २६ वर्षीय दिलिप थापा र सोही ठाउँको कालीगौडीका २७ वर्षीय टीकाराम खनाल घाइते भएका छन् ।

उनीहरु सबैलाई थप उपचारका लागि बाँकेको नेपालगञ्ज रिफर गरिएको छ ।

मुसिकोट नगरपालिका–१ निपानेमा कर्णाली प्रदेश ०२–००१ च ०४१३ नम्बरको बोलेरो आइतबार राति साढे ८ बजे दुर्घटना परेको थियो ।

रुकुम पश्चिमका प्रहरी प्रमुख डिएसपी नवराज पोखरेलका अनुसार जीप सदरमुकाम खलंगाबाट बाँफिकोटको सिमखेततर्फ जाँदै थियो। वल्र्डलिंक कम्युनिकेशनको फाईबर तार बिस्तारका लागि तार ठेक्का पाएको कम्पनीका कर्मचारी जीपमा सवार थिए ।

दुर्घटनाको कारण थाहाँ भइ नसकेको प्रहरीले जनाएको छ ।

प्रकाशित मिति : २०८१ जेष्ठ २८ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *