२०८१ असार ३ गते आइतवार

जस्ले काँग्रेसका उम्मेदवारलाई पराजित गरे

तुलसीपुर उद्योग संघको निर्वाचनमा विश्व बस्नेतको चर्चा

तुलसीपुर, बैशाख ३१ ।तुलसीपुर उद्योग बाणिज्य संघमा नयाँ नेतृत्व चुन्न
शनिरबार भएको मतदानको अन्तिम मत परिणाम सोमबार बिहान सार्वजनिक भएको छ ।
प्राप्त मत परिणाम अनुसार दुई प्यानलबाट १७ ÷ १७ जना र एक जना सचिव पदमा स्वतन्त्र उम्मेदवार थिए ।


नेतृत्वका लागि नेपाली काँग्रेसको सिफारिसमा बिनिल केसीको प्यानल र गठबन्धनबाट ललितजंग शाहको प्यानलका बीचमा प्रतिष्र्धा भयो । अरु जम्मै पदहरुमा १३ जना बिनिल केसी प्यानकाले बाजी मारे पनि गठबन्धनका चार जनाले काँग्रेसका उम्मेदवारलाई पराजित गरेका छन् ।


त्यस मध्य यतिखेर युवा विश्व बस्नेतको चर्चा चुलिएको छ । तुलसीपुरमा प्रतिष्ठित ब्यापारिक घरानाका भएपनि उच्च शिक्षा हासिल गरेका र भर्भराउँदो उमेरका बिश्वको नाम यसअघि बजारमा त्यति चर्चामा थिएन । एकाएक उम्मेदवार बनेर निर्वाचित भएपछि भने उनको चर्चा चुलिएको छ । त्यसको पछाडिको कारण उनले प्राप्त गरेको लोकप्रिय मत नै हो ।

उद्योग उपाध्यक्षमा गठबन्धनका तर्फबाट बिश्व बस्नेतले ठूलो मतान्तरका साथ बाजी मारे । विश्वले १५९० मत प्राप्त गरेका छन् । जबकी विश्वका निकटतम प्रतिष्पर्धी काँग्रेसका हेमेन्द्र खड्काले ११४३ मत मात्रै प्राप्त गरेका थिए । बस्नेतले खड्का भन्दा ४४७ मत बढी प्राप्त गरे ।

निर्वाचित बस्नेत तुलसीपुर उद्योग बाणिज्य संघका संस्थापक अध्यक्ष डिल्लीबहादुर बस्नेतका नाति र पूर्व अध्यक्ष हिमाल बस्नेतका छोरा हुन । जो काँग्रेस निटक नै मानिन्छन् ।

त्यस्तै बाणिज्य उपाध्यक्षमा पनि गठबन्धनकै उम्मेदवार नरेश राज भण्डारी निर्वाचित भएका छन् । उनले १५२० मत प्राप्त गर्दा काँग्रेसका खुसलराम शर्माले ११८७ मत प्राप्त गरे । एमाले निकटका राज भण्डारीले शर्मा भन्दा ३३३ मत बढी प्राप्त गरे ।

सदस्य पदमा गठबन्धनका उम्मेदवारहरु भिमबहादुर खत्री १११८, मनोजकुमार गुप्ता ११६७ , कृष्णबहादुर पुन १०५४ , सुरेश नेपाली १०२१ , टोपबहादुर महतरा १२३२ मत प्राप्त गरेपनि बिजयी हुन सकेनन् ।

महिला सदस्यहरुमा गठबन्धनकै शारदा बस्नेत १२६७ र मिना रावत १२८५ मत प्राप्त गरि निर्वाचित भएका छन् ।

प्रकाशित मिति : २०८१ बैशाख ३१ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *