२०८१ जेष्ठ १५ गते मङ्गलवार

राजीव विक्रम शाह जाजरकोटमा चुनावी खर्च विवरण बुझाउने पहिलो उम्मेदवार

जाजरकोट,मंसिर १२ । जाजरकोट प्रदेश सभा ‘ख’बाट उम्मेदवार बनेका नेपाली कांग्रेसका राजीव विक्रम शाह चुनावी खर्च विवरण बुझाउने पहिलो उम्मेदवार बनेका छन ।

उनले हिजो दिउँसो निर्वाचन कार्यालय जाजरकोट खलङ्गामा पुगेर चुनावमा लागेको खर्चको विवरण बुझाएका हुन । उनले चुनावमा १४ लाख रुपैयाँ खर्च भएको बताए ।

उनीसँगै कर्णाली प्रदेश सभामा समानुपातिकतर्फ जाजरकोटबाट नेपाली कांग्रेसका उम्मेदवार बन्नुभएका गणेश अधिकारीले पनि आफ्नो चुनावी खर्चको विवरण बुझाएका छन । उनले चुनावमा ४२ हजार रुपैयाँभन्दा बढी खर्च भएको विवरणमा जनाएका छन ।

निर्वाचन आयोगका अनुसार चुनाव सम्पन्न भएको एक महिनाभित्र खर्च विवरण कार्यालयमा बुझाउनु पर्ने हुन्छ ।

पछिल्लो पटक निर्वाचन आयोगले पालिका चुनाव तोकिएको मितिभित्र चुनावी खर्च विवरण नबुझाउनेहरुको सूची सार्वजनिक गरी वडा सदस्यदेखि मेयरसम्मका लागि निश्चित रकम जरिबाना तोकेको थियो ।

आयोगले तोकेअनुसार प्रतिनिधि सभाका उम्मेदवारले जाजरकोटको हकमा ३६ लाखसम्म र प्रदेश सभाका उम्मेदवारले २१ लाख रुपैयाँसम्म खर्च गर्न पाउने कानुनी प्रावधान रहेको निमित्त कार्यालय प्रमुख एवम् जिल्ला निर्वाचन अधिकारी नवीन कुमार कठायतले बताए ।

प्रकाशित मिति : २०७९ मङ्सिर १२ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *