दाङ,असोज ३०। प्रतिनिधीसभा सदस्य दाङ क्षेत्र नं.२ का उम्मेदवार रेखा शर्माले संबिधानको रक्षा गर्ने दलहरु बिच सहकार्य भएको बताएकी छिन ।
संयुक्त प्रचार प्रसार समितिको घोराहीमा सम्पर्क कार्यालय उद्घाटन गर्दै शर्माले यस्तो बताएकी हुन ।
कार्यालयको प्रतिनिधी सभा सदस्यका उम्मेदवार रेखा शर्मा र २ (क) राजु खनालले संयुक्त रुपमा उद्घाटन गरेका हुन ।
त्यस अबसरमा बोल्दै पुर्वमन्त्री शर्माले यो चुनाव सामान्य नभएको बताउदै यसपालिको चुनाव अग्रगमन र प्रतिगमन विरुद्धको लडाइँ भएको धारणा राखिन ।
आफु महिला उम्मेदवार समेत भएको बताउदै पिछडिएका बर्ग समुदायको अधिकार कार्यान्वयनका लागि भुमिका खेल्ने प्रतिबद्धता जनाइन ।
त्यस्तै दाङ २ (क) का उम्मेदवार राजु खनालले नागरिकको अधिकार संरक्षण गर्न सत्ता साझेदार दलहरु बिच गठबन्धन भएको औल्याए ।
उनले बिगतमा आफुहरु जनता माझ परिक्षण भएको उल्लेख गर्दै मंसिर ४ मा गठबन्धनका उम्मेदवारलाई मतदान गर्न अपिल गरे ।
