दाङ, माघ १५ । सल्यानमा अटो दुर्घटना हुँदा चालकको मृत्यु भएको छ ।
जिल्लाको त्रिवेणी गाउँपालिका ७ लुहामबाट टुनिबोटतर्फ जाँदै गरेको अटो दुर्घटना हुँदा चालक त्रिवेणी गाउँपालिका ५ मुलाबारीका टेकबहादुर विकको मृत्यु भएको प्रहरीले जनाएको छ ।
रा १ ह ५०५२ नम्बरको खाली अटो टुनिबोट स्थित राप्ती राजमार्गमा शनिबार दिउँसो साढे १२ बजेतिर दुर्घटना भएको थियो ।
घाइते चालक विकको उपचारका क्रममा जिल्ला अस्पताल खलंगामा दिउँसो पौने २ बजेतिर मृत्यु भएको प्रहरीले जनाएको छ ।
अटो अनियन्त्रित भइ सडकबाट ५० मिटर तल खसेको प्रहरीले जनाएको छ ।
प्रकाशित मिति : २०७८ माघ १५ गते शनिवार
