गुल्मी,पुस १२ । गुल्मीमा ट्रकको ठक्करवाट दुई जनाको ज्यान गएको छ ।
मृत्यु हुनेमा रेसुंगा नगरपालिका १३ का वर्ष २३ का बालकृष्ण भुजेल र वर्ष २४ का टोप बहादुर रजाली रहेका छन् ।
आईतबार विहान २ः३० वजेको समयमा बुटवलवाट गुल्मीको सदरमुकाम तम्घास तर्फ आउँदै गरेको ना ५ ख ३२०४ नम्बरको ट्रकले रेसुंगा नगरपालिका १३ अन्र्तगत मसिने खोलामा उनीहरुलाई ठक्करदिंदा दुवै जनाको घटना स्थलमा ज्यान गएको जिल्ला प्रहरी कार्यालय गुल्मीका प्रहरी उपरिक्षक प्रविणलाल श्रेष्ठले जानकारी दिए ।
ठक्कर दिने ट्रक र चालक गोपाल टण्डनलाई प्रहरीले रातीनै नियन्त्रणमा लिई जिल्ला प्रहरी कार्यालय गुल्मीमा राखेको छ ।
घटनाको वारेमा थप अनुषन्धान भईरहेको प्रहरीले जनाएको छ ।
प्रकाशित मिति : २०७७ पुष १२ गते आइतवार
