तुलसीपुर,असोज १४ । दाङमा विषादी सेवनबाट श्रीमानको मृत्यु भएको छ, भने श्रीमतीको अवस्था गम्भीर रहेकोछ ।
पश्चिम दाङको बबई गाउँपालिका वडा नं. ५ बबरपुर निबासी २५ बर्षीय भरत केसीको मृत्यु भएको छ भने उनकी २१ बर्षीया श्रीमती रीताकेसीको गम्भीर अवस्थामा कोहलपुरमा उपचार भइरहेको छ ।
श्रीमान श्रीमतीको बीचमा भएको झगडापछि विहान २ बजे श्रीमानले विषादी सेवन गरेका थिए । उनलाई उपचारका लागितुलसीपुरस्थित राप्ती प्रादेशिक अस्पतालमा ल्याइएमा त्यहाँ उपचार संभव भएन । त्यसपछि बाँके लैजाँदै गर्दा अमेलिया नजिकै उनकोमृत्यु भएको प्रहरीले जानकारी दिएको छ ।
श्रीमानको मृत्युको खवर सुनेपछि घरमा रहेकी श्रीमती रीताले पनि विहान ४ बजेतिर विषादी सेवन गरेको प्रहरीले बताएको छ ।
इलाका प्रहरी कार्यालय खितलपुरका प्रमुख प्रहरी निरिक्षक मोहनबिक्रम केसीले श्रीमती रीताको बाँकेस्थित कोहलपुर मेडिकलकलेजमा उपचार भइरहेको जानकारी दिए । राप्ती प्रादेशिक अस्पताल तुलसीपुरमा उपचार संभव नभएपछि उनलाई कोहलपुर रेफरगरिएको थियो ।
८ बर्षीय बालकले पनि विषादी सेवन गरेको आशंका
केसीका छिमेकी एक ८ बर्षीय बालकले पनि विषादी सेवन गरेको आशंका गरिएको छ । ८ बर्षीय विशाल परियारले विहान खेल्ने क्रममात्यसै फालिएको विषादीको एउटा टिकिया खाएको हुन सक्ने आशंका भइरहेको प्रहरीले बताएको छ ।
विहान दश बजेतिर बालकले बान्ता गर्न थालेपछि त्यस्तो आशंका गरिएको प्रहरी निरिक्षक केसीले बताए । विरामी बालककोतुलसीपुरस्थित राप्ती प्रादेशिक अस्पतालमा उपचार पछि थप उपचारका लागि बाँकेस्थित कोहलपुर मेडिकल कलेजमा लगेर उपचारभइरहेको प्रहरी निरिक्षक केसीले जानकारी दिए ।
