दाङ, साउन २८ । सल्यानमा १२ बर्षीया बालिकालाई जवरजस्ति बालात्कार गरेको अभियोगमा एक युवा पक्राउ परेका छन् ।
पक्राउ पर्नेमा जिल्लाको शारदा नगरपालिका वडा नं. ६ बरला निवासी २७ बर्षीय प्रकाश परियार रहेको जिल्ला प्रहरी प्रमुख डिएसपी ढकेन्द्र खतिवडाले जानकारी दिए ।
जिल्लाको कालिमाटी गाउँपालिका वडा नं. ३ घर भइ हाल शारदा नगरपालिका वडा नं. ६ बरलामा बस्दै आएकी १२ बर्षीया एक बालिकालाई जवरजस्ती बलात्कार गरेको जाहेरीका आधारमा परियारलाई पक्राउ गरिएको डिएसपी खतिवडाले बताए ।
परियारले ती बालिकालाई साउन २५ गते बेलुका ८ बजेतिर शारदा नगरपालिका वडा नं. ६ स्थित दौरेडाँडा भन्ने ठाउँमा लगेर जवरजस्ती बलाल्तकार गरेका पीडितको जाहेरीमा उल्लेख रहेको छ ।
परियार मंगलवार विहान घरवाटै पक्राउ परेका थिए ।
जिल्ला अदालत सल्यानले परियारलाई थुनामा राखेर अनुसन्धान गर्न आदेश दिएको प्रहरीले बताएको छ ।
