तस्विर – नरेन्द्र केसीको फेसबुकवाट ।
तुलसीपुर, असार १६ । प्रहरीले जंगलवाट सर्वसाधारणले खोजेर ल्याएको जंगली च्याउ खोसेर नष्ट गरेको छ । वन जंगलवाट सर्वसाधारणले खोजेर ल्याइ बजारमा बेच्ने च्याउ खाएका मानिसहरु धमाधम विरामी हुन थालेपछि प्रहरीले जंगली च्याउको विक्रि वितरणमा रोक लगाउन थालेको छ ।
मंगलवार विहान अम्बिकेश्वरी प्रहरी चौकीले जंगलबाट बजार तर्फ विक्रिका लागि लैजाँदै गरेको झन्डै १५ केजी च्याउ नियन्त्रणमा लिएर जनप्रतिनिधिको रोहवरमा नष्ट गरेको छ । दाङमा जंगली च्याउ खाएर ठूलो संख्यामा विरामी पर्न थालेपछि प्रहरीले जंगली च्याउ खान रोक लगाउने उदेश्यका साथ यस्तो अभियानको थालनी गरेको जिल्ला प्रहरी प्रबक्ता सुमित खड्काले बताए ।
तस्विर – नरेन्द्र केसीको फेसबुकवाट ।
प्रकाशित मिति : २०७७ असार १६ गते मङ्गलवार
