तुलसीपुर ,असार ९ । दाङमा मंगलवार १९ जना नयाँ संक्रमित थपिएका छन् । यो संगै जिल्लामा कुल संक्रमितको संख्या ३०४ पुगेको छ। हालसम्म कुल ९२ जना उपचार पछि घर फर्किएका छन् ।
मंगलवार बंगलाचुली गाउँपालिकामा स्वाब संकलन गरिएका १९ जनामा संक्रमन फेला परेको हो । तर त्यसमा बंगलाचुलीका १८ रलमही नगरपालिकामा १ जना छन् । मंगलवार फेला परेका नयाँ संक्रमित सबै पुरुष हुन । बंगलाचुली गाउँपालिकाका स्वास्थ्य संयोजकभक्तबहादुर जिसीले मंगलवार फेला परेका १९ जना सबै छिमेकी देश भारतवाट आएको र उनीहरु सबैको स्वाब बंगलाचुलीमै संकलनगरिएको जानकारी दिए ।
राप्ती स्वास्थ्य बिज्ञान प्रतिष्ठान घोराहीमा पिसिआर विधिबाट परीक्षणका क्रममा बंगलाचुली गाउँपालिका वडा नं. ३ का १७, १७, १८, २२, २३, २७, ३० र ४३ बर्षका आठ पुरुषमा संक्रमन फेला परेको प्रतिष्ठानका कायम मुकायम रजिष्ट्रार कैलाशप्रशाद देवले जानकारीदिए ।
त्यसैगरी सोही गाउँपालिकाकै वडा नम्बर ४ का १९ र २१ बर्षीय दूई जना , वडा नम्बर ५ मा २९ र ३२ बर्षीय दुई जना , वडा नम्बर ८ मा१८, २१, २२, २४ र २९ बर्षीय पाँच जना , वडा नम्बर १० का ११ बर्षीय एक जनामा संक्रमन फेला परेको कामु रजिष्ट्रार देवले जानकारीदिएका छन् ।
बंगलाचुलीमा स्वाब संकलन गरिएका भएपनि लमही नगरपालिका वडा नं. ६ निवासी १७ बर्षीय एक किशोरमा समेत कोरोना संक्रमणफेला परेको छ । जिसीका अनुसार मंगलवारसम्म बंगलचुलीमा मात्रै ८८ जना संक्रमित पुगेका छन् । त्यसमध्य २१ जना उपचारपछि घरफर्किएका छन् ।