बुटवल, असार ६ । गुल्मीमा गुडिरहेको जिप माथि पहिरो खस्दा एकजनाको मृत्यु भएको छ भने पाचँजना घाइते भएका छन् । धुर्काैटगाउँपालिका वडा नम्बर ३ हाडहाडे निवासी १८ बर्षीय तुल्सीराम काउछाको मृत्यु भएको छ । उनको घटनास्थलमै मृत्यु भएको प्रहरीलेजानकारी दिएको छ ।
पहिरोले पुरिएका मध्य चालक २० बर्षीय प्रदिप पुन र २५ बर्षीय रमेश रानाको अबस्था गम्भीर छ । उनीहरुलाई थप उपचारको लागिसन्धिखर्क पठाइएको प्रहरीले जानकारी दिएको छ । घाइते मध्य अन्य तीन जनाको अवस्था सामान्य रहेको छ ।जिल्लाको धुर्कोट गाउँपालिका हाडहाडे स्थित चुना ओडारमा लु १ ज ३९७९ नम्बरको जिपमाथि बाट आएको पहिरोमा पुरिदा उक्तदुर्घटना भएको हो ।
प्रकाशित मिति : २०७७ असार ६ गते शनिवार
