दाङ, असार ६ । छिमेकी जिल्ला प्यूठानमा ८ जनासहित देशभर शनिवार मात्रै ३ सय ३१ जना संक्रमित फेला परेका छन् । शनिवार राप्तीस्वास्थ्य विज्ञान प्रतिष्ठानमा गरिएको पिसिआर परीक्षणका क्रममा प्यूठानका ८ पुरुष र रुकुम पश्चिका १ पुरुषमा करोना संक्रमन फेलापरेको छ । प्रतिष्ठानका कायम मुकायम रजिष्ट्रार कैलाशप्रशाद देवका अनुसार प्यूठानको स्वर्गद्धारी नगरपालिका वडा नं. १ का १७,२३र ४२ पुरुष र सरुमा रानी गाउँपालिका वडा नं. ५ का २१,२१,२४,२६ र २८ बर्षीय पुरुषमा कोरोना संक्रमन फेला परेको हो । त्यस्तै रुकुमपश्चिमको मुसिकोट नगरपालिका वडा नं. १२ निवासी ३३ वर्षीय एक जना पुरुषमा पनि कोरोना संक्रमन फेला परेको छ ।
कामु रजिष्ट्रार देवका अनुसार वितेको २४ घन्टामा ५६१ जनाको परीक्षण गरिएकोमा प्रतिष्ठानका एक चिकित्सकसहित ४ स्वास्थ्यकर्मीसमेत गरि १३ जनामा संक्रमन फेला परेको हो ।
त्यस्तै देशभर शनिबार कोरोनाभाइरसका ३ सय ३१ जना संक्रमन फेला परेको छ । पछिल्लो २४ घण्टामा ७ हजार ४ सय १६ जनामाकोरोना संक्रमित भेटिएको स्वास्थ्य तथा जनसंख्या मन्त्रालयका प्रवक्ता प्राध्यापक डाक्टर जागेश्वर गौतमले जानकारी दिए । त्यसमध्य४९ जना महिला र २ सय ८२ जना पुरूष रहेका छन् ।
योसँगै कोरोनाबाट शनिबारसम्म संक्रमित हुनेको संख्या ८ हजार ६ सय ५ पुगेको छ। त्यसमा महिला संक्रमितको संख्या ७ सय ५६ र पुरूष संक्रमितको संख्या ७ हजार ८ सय ४९ रहेको गौतमले नियमित पत्रकार सम्मेलनमा जानकारी दिए । शनिवार १ सय ७६ जनाउपचारपछि घर फर्किएका छन् । कोरोनाबाट अहिलेसम्म २२ जनाको मृत्यु भएको छ। शनिवार सम्म मुलुकका ७४ जिल्लामा कोरोनाकासंक्रमित फैलिसकेको छ ।
