तुलसीपुर , असार २ । दाङमा एकै दिन ५६ जना नयाँ संक्रमित थपिएका छन् । यो संग जिल्लामा संक्रमितको संख्या २४३ पुगेको छ ।मंगलवार घोराही उपमहानगरपालिकामा ५५ र राजपुर गाउँपालिकामा १ जनामा संक्रमन पुष्टि भएको छ । राप्ती स्वास्थ्य विज्ञानप्रतिष्ठानमा गरिएको पिसिआर परीक्षणमा ४६ पुरुष र १० महिनामा संक्रमन फेला परेको हो ।
संक्रमित हुनेमा ३ बर्षका बालकदेखि ५१ बर्ष सम्मका मानिसहरु रहेका छन् । घोराहीका ३ र ५ बर्षका दूई बालकमा पनि संक्रमनभेटिएको छ । घोराही उपमहानगरपालिका वडा नं. ४ मा मात्रै ४७ जना नयाँ संक्रमित थपिएका छन् । जहाँ ३८ पुरुष र ९ जना महिलामासंक्रमन भेटिएको हो ।
त्यस्तै घोराही ११ मा ३ जना पुरुष, १२ मा ४ जना पुरुष र वडा नं. १५ मा १ जना पुरुष संक्रमित फेला परेको घोराहीका स्वास्थ्य शाखासंयोजक नारायण घर्तीले जानकारी दिए । जिल्ला कोरोना फोकल पर्सन कमल चन्दले राजपुर गाउँपालिकाको एकजना २५ बर्षीयामहिलामा संक्रमन फेला परेको जानकारी दिए ।मंगलवार फेला परेका सबै संक्रमित भारतबाट आएर विभिन्न क्वारेन्टिनमा बसेकाहरु हुन ।
जिल्लालाई पुनः लकडाउन गर्नेबारे बुधवार छलफल हुने सरकारको निर्णय अनुसार २ सय बढी संक्रमित फेला परेको जिल्लालाई पूर्ण लकडाउन गर्ने भन्ने छ ।दाङका प्रमुख जिल्ला अधिकारी गोविन्दप्रशाद रिजालले त्यसवारे बुधवार विहान बैठक बस्ने जानकारी दिए । केन्द्रको निर्देशन र अन्यजिल्लाको अभ्यास हेरेर अगाडि बढ्ने उनले बताए ।
