दाङ, असार १। मोटरसाईकल दुर्घटनामा एक जनाको ज्यान गएको छ भने थप एकजना घाइते भएका छन् ।बबई गाउँपालिका वडा नं.६ का ३७ बर्षीय मोटरसाईकल चालक खिमबहादुर वलीको ज्यान गएको छ ।
दुर्घटनामा परि घोराही उपमहानगरपालिका वडा नं. ११ बुकालीडाँडा निवासी १८ बर्षीय कमल योगी गम्भीर घाइते भएका छन् । आइतवारबेलुका ८ बजेर २० मिनेट जाँदा तुलसीपुरबाट घोराही तर्पm जाँदै गरेको रा ३ प ४७९५ नम्वरको वलीले चलाएको मोटरसाईकलले पैदलयात्री योगीलाई ठक्कर दिएको थियो ।
दुर्घटना पछि दुबै जनालाई उपचारका लागि राप्ती स्वास्थ्य विज्ञान प्रतिष्ठामा लगिएकोमा मोटरसाईकल चालक वलीको उपचारकाक्रममा राति साढे ९ बजेतिर मृत्यु भएको जिल्ला प्रहरी प्रबक्ता सुमित खड्काले जानकारी दिएका छन् । घाइते योगीलाई राति नैप्रतिष्ठानको उपचार पछि थप उपचारका लागि बाँके रिफर गरिएको डिएसपी खड्काले बताए ।
प्रकाशित मिति : २०७७ असार १ गते सोमवार
