कञ्चनपुर, जेठ २८। कञ्चनपुरमा तीन प्रहरीमा कोरोना संक्रमण पुष्टि भएको छ।सुदूरपश्चिम प्रदेशमा पहिलोपटक प्रहरीमा कारोना संक्रमण देखिएको हो। भीमदत्त नगरपालिकाको बैजनाथ माध्यमिक विद्यालयमा रहेको क्वारेन्टिन सुरक्षामा खटिएका प्रहरी सहायक निरीक्षक र प्रहरी हवल्दार गरी दुई र पुर्नवास नगरपालिकाको खड्डाकङ्कड प्रहरी चौकीमा कार्यरत एक गरी तीन प्रहरीमा कारोना संक्रमण देखिएको हो।
संक्रमण देखिएका दुई जनाको महाकाली अस्पतालको आइसोलेसनमा र एक जनाको सेती प्रादेशिक अस्पतालमा उपचार भइरहेको जिल्ला प्रहरी कार्यालय कञ्चनपुरले बताएको छ । संक्रमित तीनै जना प्रहरीको स्वास्थ्य अवस्था भने सामान्य छ। क्वारेन्टिनमा बस्दै आएका संक्रमित प्रहरीको सम्पर्कमा रहेका व्यक्तिको कन्ट्याक्ट ट्रेसिङ र स्वाब सङ्कलन भइरहेको छ।
प्रकाशित मिति : २०७७ जेष्ठ २८ गते बुधवार
