दाङ, जेठ १५ । कर्णाली प्रदेशमा थप ८ जना कोरोना भाइरसका संक्रमित थपिएका छन् । दैलेखको नारायण नगरपालिकाका ८ जनामाकोरोना संक्रमण पुष्टि भएको हो। बिहीबार थपिएकामध्ये १ जना वर्षदिनका बालक, ६ पुरूष र १ महिला छन् । प्रदेश अस्पताल र पशुपन्छी रोग अन्वेषण प्रयोगशाला सुर्खेतमा स्वाब परीक्षण गरिएको थियो ।
विहीवार दिउँसो सम्म कर्णाली प्रदेशमा ४६ मा कोरोना संक्रमन पुष्टि भएको छ । कर्णालीमा मंगलबार १२, बुधबार १५ र विहीवार ८जनामा कोरोना संक्रमण पुष्टि भएको छ ।कैलालीमा दूई र दार्चुलामा एक जनामा संक्रमन पुष्टि
बिहीबार कैलालीका दुई र दार्चुलाका एक जनामा कोरोना भाइरसको संक्रमण भेटिएको छ। कैलालीको जानकी गाउँपालिकाका २५ र३० वर्षका पुरुषमा संक्रमन भेटिएको छ । दार्चुलाका संक्रमित २१ वर्षीय युवक हुन । उनीहरू तीनै जना भारतबाट आएकाहरु हुन ।
सेती प्रादेशिक अस्पतालको प्रयोगशालामा गरिएको परीक्षणमा तीन जनामा संक्रमण पुष्टि भएको हो ।
साङ्जा र नवलपरासी सुस्ता पूर्वका एक÷ एक जनालाई संक्रमण देखिएको छ ।
बिहीबार बिहान मात्रै प्रदेश २ मा मात्र ७४ जनामा संक्रमन पुष्टि भएको थियो ।
