दाङ, जेठ १४ । मलेसियावाट आएको दुई महिना पछि रुकुम पूर्वका एक युवालाई कोरोनाभाइरसको संक्रमन पुष्टि भएको छ ।जिल्लाको पूथा उत्तरगंगा गाउँपालिका वडा नं. १४ का २३ बर्षीय ती युवा चैत ५ गते घर आएका थिए । त्यतिबेला क्वारेन्टिन नै निर्माणभइनसकेको हुँदा उनी सोझै घरमा गएर बसेका व्यक्ति हुन ।
चैत ११ गतेदेखि नेपालमा लकडाउन सुरु भएपछि उनलाई १४ दिन होमक्वारेन्टिनमा बस्न आग्रह गरिएको जिल्ला फोकल पर्सन देविलालपौडेलले जानकारी दिए । बैशाख १२ गते उनको आरडिटी टेष्ट गरिएको भएपनि रिपोर्ट नेगेटिभ आएको थियो । फेरि आशंका लागेरजेठ ८ गते स्वाब संकलन गरेर पिसिआर विधिवाट गरिएको चेकजाँचमा रिपोर्ट पोजेटिभ आएको हो ।
सोही ठाउँकै १५ बर्षीया किशोरी र १८ बर्षीय किशोरमा पनि बुधवार कोरोना पुष्टि भएको छ । दाङस्थित राप्ती स्वास्थ्य विज्ञानप्रतिष्ठानमा बुधवार गरिएको स्वाब परीक्षनमा नाताले भाई बहिना पर्ने उनीहरुमा कोरोना देखिएको हो ।उनीहरु दुबै दाजु बहिनी बैशाख२८ गते बारा जिल्लाको इट्टा भट्टाबाट मजदुरी गरेर आएकाहरु हुन । राङ्सीस्थित शिद्धमण्डी माविको क्वारेन्टिनमा बस्दै आएकाउनीहरुको जेठ ८ गते जिल्ला स्वास्थ्यको टोली गएर क्वारेन्टिनमै स्वाब संकलन गरेको थियो ।
