फाइल तस्बिर
दाङ, जेठ ८ । विहीवार बाँकेबाट २ सय २३ नमुना परीक्षणको लागि दाङ ल्याइएको छ ।ती नमुनाको राप्ती स्वास्थ्य विज्ञान प्रतिष्ठानघोराहीमा पिसिआर विधिवाट परीक्षण गर्नको लागि पठाइएको हो ।
बाँके जिल्लाका कोरोना फोकल पर्सन नरेश श्रेष्ठले भेरी अस्पतालमा चाप बढी रहेको तथा दाङको प्रतिष्ठानमा चाप कम रहेको हुँदा छिटो सेवाको लागि दाङ पठाइएको जानकारी दिए । नेपालगन्जको भेरी अस्पतालमा पनि पिसिआर विधिवाट परीक्षण हुँदै आएको छ ।भेरीमा बर्दिया र बाँकेको गरि विहीवार सम्म ३ सय जति नमुना परीक्षण गर्न बाँकी रहेको श्रेष्ठले बताए ।
बधुवार अग्रपंत्तिलमा खटिएर कामगर्दै आएका स्वास्थ्यकर्मी, सुरक्षाकर्मी, नरैनापुर गाउँपालिका, महेन्द्र क्याम्पस लगाएका क्वारेन्टिनमाबसेकाहरुको नमुना संकलन गरिएको थियो ।
बाँकेमा हालसम्म ९८ जनामा कोरोना संक्रमण पुष्टि भएको छ । त्यसमध्य सबैभन्दा धेरै नरैनापुर गाउँपालिकामा ७३ जनामा कोरोनासंक्रमन देखिएको छ । नरैनापुर ५ का २५ बर्षीय एक युवाको गत सोमवार कोरोनाका कारण मृत्यु भइसकेको छ ।
