दाङ, जेठ ६ । कपिलवस्तु जिल्लामा थप चार जनामा कोरोना भाइरस पुष्टि भएको छ । संक्रमित चारै जना पुरुष हुन । चारैजनाजिल्लाको मायादेवी गाउँपालिकाका हुन ।गाउँपालिका अन्तरगत वडा नं. ४ का ३ जना र वडा नं. ३ का १ जना पुरुषमा कोरोना संक्रमणपुष्टि भएको हो । मायादेवी गाउँपालिका ४ का ४०, ४२ र ४५ वर्षका पुरुष र वडा नं. ३ का २० वर्षका पुरुषमा कोरोना संक्रमण पुष्टिभएको छ ।
दूई हप्ता पहिले भारतको मुम्बईबाट आएपछि गाउँपलिकाको छत्रपाली क्वारेन्टिनमा उनीहरुलाई राखिएको छ । क्वारेन्टिनमा रहेका १६जना मध्य ४ जनामा कोरोना भेटिएको हो ।
यो सँगै नेपालमा कोरोना संक्रमितको संख्या ३ सय ७९ पुगेको छ। सोमबार मात्र एकैदिन ८०जनामा संक्रमण देखिएको थियो । कपिलबस्तुमा फेला परेका नयाँ चार जना संक्रमित मध्य केहीलाई दाङको बेलझुण्डी अस्पतालल्याउने तयारी गरिएको छ ।
प्रकाशित मिति : २०७७ जेष्ठ ६ गते मङ्गलवार
