फाइल तस्बिर
दाङ, जेठ ६ । बाँकेको नरैनापुर गाउँपालिकामा एकै दिन ५९ जना संक्रमित फेला परेपछि गाउँपालिकालाई शिल गरिएको छ ।नरैनापुरलाई उच्च जोखिमयुक्त क्षेत्र घोषणा गरिएको छ । बाँके जिल्ला सुरक्षा समितिको बैठकले अत्यावश्यक काम बाहेक हिडडुलगर्न रोक लगाएको छ ।
नरैनापुरमा सोमवार बेलुका ४७ र रातिमा थप १२ जनामा गरि एकै दिन ५९ जनामा संक्रमन पुष्टि भएको छ । २७० जनाको स्वाबपरीक्षण रिपोर्टमा ५९ जनामा कोरोना पुष्टि भएको हो । यसअघि ४५ जनाको स्वाब परीक्षण गर्दा थप ८ जनामा कोरोना पुष्टि भएकोथियो । नरैनापुरमा मात्रै हालसम्म ६७ जनामा कोरोना पुष्टि भइसकेको छ । जहाँ अझैंपनि ४९९ जनाको नमुना संकलन तथा रिपोर्टआउन बाँकी रहेको छ ।
बैशाख २४ गतेदेखि ३१ गतेसम्म भारतको महाराष्ट्र लगाएका विभिन्न सहरवाट मजदुरीमा गएका कुल ८१४ जना फर्किएपछि उनीहरुलाईस्थानीय विद्यालयहरुमा निर्मित क्वारेन्टिनमा राखिएको छ ।एकै पटक ठूलो संख्यामा मानिसहरु फर्केर आउनु र विद्यालयमा निर्मितक्वारेन्टिन मापदण्ड अनुसार व्यवस्थित नहुँदा संक्रमण व्यापक रुपमा फैलिएको अनुमान गरिएको छ ।
नरैनापुरका कुल संक्रमित ६७ जना मध्य नरैनापुर ५ का २५ बर्षीय एक युवकको कोरोनाका कारण मृत्यु भइसकेको छ । त्यसअघि नैनरैनापुरमा थप ८ जनामा कोरोना पुष्टि भएको थियो । ती ८ जना संक्रमितलाई आइसोलेसन बेड अभावमा दाङको बेलझुण्डीस्थितकोरोना विशेष अस्पालमा उपचारको लागि ल्याइएको छ । बाँके जिल्ला भर संक्रमितको संख्या ९२ पुगेका छ ।
आइसोलेसन बेडको अभाव
गाउँपालिकाका स्वास्थ्य संयोजक नागेन्द्र साहले सोमवार एकैदिन थपिएका ५९ नयाँ संक्रमितलाई कहाँ लगेर राख्ने भन्ने कुराको पनिअझैं टुंगो नभएको जानकारी दिए । नरैनापुरको लक्ष्मणपुरस्थित प्राथमिक स्वास्थ्य केन्द्रलाई आइसोलेसन अस्पतालका रुपमा विकासगरेर त्यसैमा संक्रमितलाई राख्ने कुरा चलेपनि टुंगो लागि सकेको छैन । उनका अनुसार त्यहाँ कम्तिमा ३० देखि ५० जना सम्मलाई राख्नमिल्ने ठाउँ छ ।
बाँकेको खजुरास्थित २५ बेड क्षमताको कोरोना अस्पताल खाली नभएको हुँदा नयाँ संक्रमितका लागि कुन ठाउँमा आइसोलेसनअस्पताल बनाउने भन्ने बाँकेमा मंगलवार विहानैदेखि छलफल सुरु भएको एक अधिकारीले बताएका छन् ।
