दाङ, जेठ ४ । बाँकेको नरैनापुर गाउँपालिकास्थित क्वारेन्टिनमा बसेका एक युवकको आइतवार विहान ज्यान गएको छ ।गाउँपालिकाको वडा नं. ५ निवासी २५ बर्षीय ती युवा वैशाख ३० गते भारतको मुम्बई बाट आएदेखि क्वारेन्टाइनमा बस्दै आएका थिए ।
स्थानीय दिपेन्द्र प्रावि भगवानपुरमा बस्दै आएका ती युवामा आइतवार विहान चार बजेतिर २ पटक एकाएक बान्ता भएको थियो ।त्यसपछि एम्बेलेन्स खोज्दा खोज्दै विहान साढे ६ बजेतिर उनको ज्यान गएको गाउँपालिकाका स्वास्थ्य संयोजक नागरेन्द्र साहलेजानकारी दिए । मृतकको स्वाब संकलन गरिएको भएपनि रिपोर्ट भने आइपुगेको छैन । पिसिआर विधिवाट नमुना संकलन गर्ने कामभइरहेको र रिपोर्ट आइवार नै आइपुग्ने भन्ने जानकारी दिइएको छ ।
गाउँपालिकाका अध्यक्ष इस्तियाक अहमद साह भने यो विषयमा अहिले नबोल्ने प्रतिक्रिया दिए ।दिपेन्द्र प्रावि भगवानपुरमा ३९ जनालाई क्वारेन्टिनमा राखिएको छ । आइतवार ज्यान गएको युवा रोजगारीका लागि भारत पुगेका युवाहुन ।
