२०७८ बैशाख २८ गते मङ्गलवार

आजदेखि तुलसीपुरमा अनुदानको मकैको विउ वितरण गरिने


तुलसीपुर, वैशाख २९ । तुलसीपुर उपमहानगरपालिकाले सोमवारदेखि किसानहरुलाई अनुदानको मकै र धान वितरण सुरु गर्ने भएको छ । कृषि विकास शाखामा किसानहरुले माग गरेको आधारमा सोमबारबाट वितरण सुरु गरिने शाखाका प्रमुख धनराज गौतमले जानकारी गराए । मकैको सोमबारबाटै वितरण सुरु हुने भएपनि धानको विउ भने जेठको पहिलो हप्ताबाट मात्रै सुरु हुने उनले जानकारी दिए ।

उपमहानगरपालिकाले कृषकहरुलाई अनुदानमा उन्नत जातको मकै र धानको विउँ वितरणका लागि सार्वजनिक रुपमा आव्ह्वान गरेको थियो । सूचनाका आधारमा दुबै बालीका लागि ५ सय जति किसानहरुले आवेदन दिएको पनि कृषि विकास शाखाले जानकारी दिएको छ ।

कृषकहरुको आवश्यकता पहिचान गरी सामाजिक दुरी कायम गर्दै वडा कार्यालय मार्फत विउँ वितरण गरिने अर्थ समितिका संयोजक माधव वलीले जानकारी दिए । उनले माग गर्ने सबै किसानहरुलाई विउँ उपलब्ध गराइने पनि जानकारी दिए । ‘उहाँले मागेको भन्दा पनि आवश्यकत कति छ भन्ने कुरालाई मध्यनजर गरिनेछ,’ संयोजक वलीले भने । उपमहानगरपालिकाले कृषकहरुलाई ५० प्रतिशत अनुदानमा धान र मकैको विउ वितरण गर्ने भएको हो । उपमहानगरपालिकाको वसेको अर्थ समितिको बैठकले यस्तो निर्णय गरेको हो ।

प्रकाशित मिति : २०७७ बैशाख २९ गते सोमवार
प्रतिक्रिया दिनुहोस

Leave a Reply

Your email address will not be published. Required fields are marked *