दाङ, वैशाख २३ । मंगलवार चट्याङबाट सल्यानमा एक बालिकाको मृत्यु भएको छ भने पाँच जना घाइते भएका छन् । कुमाखगाउँपालिका वडा नं. ३ चिनाली निावसी ३६ वर्र्षीय अतिराम रानाकी ६ वर्षीया छोरी हिमाली रानाको मृत्यु भएको छ ।
चट्याङ लागेर गम्भीर घाइते उनको उपचारका क्रममा जिल्ला अस्पताल खलंगामा दिउँसो डेढ बजेतिर मृत्यु भएको जिल्ला प्रहरी प्रबक्ताउमाकान्त जोसीले जानकारी दिए । चट्याङले लागेर अतिराम, उनकी ३० वर्षीया पत्नि दिपा र उनीहरुका ८ वर्षीय छोरा यमराज रानाघाइते भएका छन् ।
चट्याङ लागेर अतिरामका भाई २६ वर्षीय टेकवहादुर राना र भतिजा २२ वर्षीय रणसिंह रानापनि घाइते बनेको जोसीले बताए । घाइतेसबैको अवस्था मध्यम रहेको तथा सवैको उपचार जिल्ला अस्पताल खलंगामा भइरहेको प्रहरीले जानकारी दिएको छ ।
विहान दशबजेतिर पानी परिरहेको समयमा घर परिवारका सदस्य घर भित्रै बसेको समयमा चट्याङले हानेपछि उनीहरु घाइते भएका थिए।
