दाङ, वैशाख, १९ । बम विस्फोटमा मारिएका रोल्पाका चार बालबालिकाको शव पोष्ट मार्टमका लागि दाङ ल्याउन लागिएको छ ।रोल्पाका जिल्ला प्रहरी प्रमुख चक्रबहादुर गुरुङले शवहरु पोष्टमार्टम गर्नको लागि दाङको घोराहीमा पठाउन लागिएको जानकारी दिए ।
रोल्पाको होलेरीमा पोष्ट मार्टमको सुविधा नरहेको र लिवाङ लैजानु भन्दा घोराही लैजान सजिलो हुने भएको हुँदा दाङ पठाउने निर्णयभएको गुरुङले बताए ।
दाङको घोराहीस्थित रिपुमर्दन गणवाट गएको नेपाली सेनालको टोलीले शुक्रवार दिउँसो १२ बजेपछि बालबालिकाको शवहरुनिकालेपछि घटनास्थलमा रहेको एउटा विस्फोट हुन बाँकी रहेको बम डिस्पोज गरेको डिएसपी गुरुङले जानकारी दिए ।
घटनास्थलमा विस्फोट नभएको बमपनि देखिएको हुँदा यसअघि शव निकाल्न सकिएको थिएन । शव तथा घटनास्थलको सुरक्षा गर्नप्रहरी रातभर खटिएको थियो।
रोल्पाको त्रिवेणी गाउँपालिका वडा नं. ७ को माईतेकापीना वनको एक हजार मिटर जति पश्चिमको उजारी खोला नजिकै विहीवारबेलुका ६ बजेतिर भएको बम विस्फोटमा परि बाख्रा चराउन गएका चार बालबालिकाको मृत्यु भएको थियो ।
बम विस्फोटमा परि त्रिवेणी गाउँपालिका वडा नं.७ निवासी लालबहादुर खत्रीका ५ वर्षीय छोरा विजय खत्री, उनकी ११ वर्षीया दिदीविमला खत्री, त्रिवेणी ४ का लक्ष्मण नेपालीका मामा घरमा गएका १३ वर्षीय छोरा गौरब नेपाली र ओजबहादुर डाँगीका १४ वर्षीय छोरानोखिराम डाँगीको घटनास्थलमै मृत्यु भएको थियो।
ती बालबालिका माइतेकापीना भन्ने वनबाट बाख्रा चराएर घर तर्फ फर्किरहेका थिए ।
