तुलसीपुर, चैत २४ । दाङमा पनि प्रहरीले लकडाउन उलंघन गर्दै हिड्नेहरुलाई यन्त्रको प्रयोग गरि पक्राउ गर्न थालेको छ । जिल्लामापहिलो पटक प्रहरीले सोमवार मानिस समाप्ने यन्त्रको प्रयोग गरि २३ जनालाई पक्राउ गरेको छ ।
जिल्ला प्रहरी प्रबक्ता सुमित खड्काका अनुसार डिउटीमा खटिने प्रहरीले आफैले नमुना दिएर ग्रिल उद्योगलाई त्यो यन्त्र निर्माण गर्नलगाएका हुन । त्यो यन्त्र कतिवटा छ र कतिले प्रयोग गर्दैै आएका छन् ? भन्ने वारे एकिन नरहेको उनले बताए ।
लकडाउन उलंघन गरि हिड्ने व्यक्तिहरुलाई हातैले समाप्नु पर्दा कोरोना भाइरसको संक्रमणको जोखिम हुने हुँदा त्यसवाट जोगिनडिउटीमा खटिने प्रहरीले ‘म्यान क्याचिङ इक्युपमेन्ट’ निर्माण गर्न लगाएको डिएसपी खड्काले बताए । यो यन्त्रको प्रयोगले टाढैबाटलकडाउन अवज्ञा गर्नेहरूलाई नियन्त्रणमा लिने सजिलो हुने हुँदा संक्रमणको जोखिम नहुने उनले जानकारी दिए ।
जिल्लाको घोराहीमा पहिलो पटक उक्त यन्त्रको प्रयोग गरि एकै दिन प्रहरीले १८ पुरुष र ५ महिलाई नियन्त्रणमा लिएको छ ।
त्यसमध्य केहीलाई संझाई बुझाई छोडिएको भएपनि १२ जनालाई भने प्रहरीले आफ्नो नियन्त्रणमै राखेको डिएसपी खड्काले बताए । संझाई बुझाई गर्दा समेत अटेर गर्ने ८ पुरुष र ४ महिला गरि १२ जनालाई आवश्यक कारवाहीको लागि नियन्त्रणमै राखिएको उनले बताए।
सोमवार प्रहरीले लकडाउन उलंघन गर्ने ५६ मोटरसाईकल र एक ट्रयाक्टर गरि ५७ सवारी साधन नियन्त्रणमा लिएको जानकारी दिएकोछ ।
