सल्यान, चैत २३ ।सल्यानको कपुरकोट गाउँपालिकाले आइतबार सम्म एक सय २८ घरपरिवारलाई राहत वितरण गरेको छ ।गाउँपालिकाले वडा नम्बर १ र ६ का ५३ विपन्न घर परिवारलाई राहत प्रदान गरेको छ ।
१ नम्बर वडामा १७ र ६ मा ३६ घर परिवारलाई चामल, नुन, तेल, दाल, साबुन वितरण गरिएको छ ।
यस अघि नै वडा नम्बर २, ३ र ४ मा वितरण भइसकेको छ । गाउँपालिका अध्यक्ष भिमबहादुर सेनले सम्बन्धित वडा कार्यालयले पहिचानगरेका व्यक्तिलाई राहत उपलब्ध गराइएको जानकारी दिए ।
प्रकाशित मिति : २०७६ चैत्र २३ गते आइतवार
