२०७८ असार ६ गते आइतवार

खानेपानीका कर्मचारी पाण्डेमाथि प्रहरीमा बलात्कार मुद्दा

 

तुलसीपुर,फागुन ३० । तुलसीपुर खानेपानी उपभोक्ता तथा सरसफाई संस्थाका एक कर्मचारी माथि प्रहरीमा बलात्कार सम्वन्धि मुद्दा परेको छ। तुलसीपुर उपमहानगरपालिका वडा नं. ६ रजौरा निवासी ५२ बर्षीय हरि पाण्डेले बलात्कार गरेको भन्दै तुलसीपुर ६ बरुवागाउँ निवासी ३३ बर्षीया एक महिलाले मुद्दा दिएको ईलाका प्रहरी कार्यालय तुलसीपुरका प्रवक्ता तथा प्रहरी निरीक्षक चक्रडम्मर पालले जानकारी दिए ।

पीडित महिलाले गतवर्ष बैशाख २९ गते राति एयरपोर्ट नजिकै एक घरमा मदिराले मातेका पाण्डेले आफुमाथि जवरजस्ती बलात्कार गरेको भन्दै पाण्डेका विरुद्ध फागुन २१ गते उजुरी दिएको प्रहरी निरीक्षक पालले बताए ।

मुद्दा परे लगतै आरोपित पाण्डे फरार रहेको र उनको खोजी भइरहेको प्रहरीले जानकारी दिएको छ । तुलसीपुर खाने पानीका एक पदाधिकारीले भने पाण्डे विदामा बसेको भन्दै कार्यालय नआएको जानकारी दिएका छन् ।

एयरपोर्ट नजिकै घर भएकी निर्मला डाँगीको घरमा पाण्डेले आफुलाई बलात्कार गरेको भन्ने जाहेरीको आधारमा प्रहरीले डाँगीलाई निवेदन परेको भोलि पल्ट नै पक्राउ गरेको छ । पीडित महिलाका अनुसार उक्त दिन डाँगीले आफु एक्लै भएको भन्दै रातिमा आफ्नो घरमा बास बस्नका लागि निम्त्याएकी थिइन । त्यसपछि पाण्डे र डाँगीले मदिरा सेवन गरेका थिए ।

रातिमा एक्कासी डाँगी बाहिर निस्केर बाहिरवाट चुक्कुल लगाएर आफु निस्केको र त्यसपछि पाण्डले जवरजस्ती आफुलाई बलात्कार गरेको पीडित महिलाले बताइन ।

पीडित महिलाका अनुसार डाँगी एक घर जग्गा कारोवार गर्ने र मिटर व्याजमा पैंशा लगानी गर्ने महिला हुन । पीडित महिलाले आफुले घर किन्दा डाँगी संग आफ्नो चिनजान भएको फरककोणलाई बताएकी छन् ।

वर्षदिन सम्म गुपचुप रहँदै आएको यो घटना काठमान्डौं र रोल्पामा घर भएकी तेजकुमारी वलीले थाहाँ पाएपछि उनकै परामर्षपछि पीडित प्रहरी समक्ष पुगेर पाण्डे विरुद्ध उजुरी दिएकी हुन । वलीले यस्ता पीडित महिलाहरुलाई विभिन्न ठाउँमा पुगेर सहयोग गर्दै आएकी छन् ।

 

प्रकाशित मिति : २०७६ फाल्गुन ३० गते शुक्रवार
प्रतिक्रिया दिनुहोस

Leave a Reply

Your email address will not be published. Required fields are marked *