तुलसीपुर,फागुन ११ । तुलसीपुर उपमहानगरपालिका वडा नं. ५ बसपार्क निवासी १५ बर्षीय सञ्तोष नेपाली एक महिनादेखि बेपत्ता रहेका छन् ।
छोरा बेपत्ता भएपछि उनका अभिभावकले खोजिकार्यमा सहयोग गरिदिन बुवा कमल नेपालीले आग्रह गरेका छन् । कात्तिक १८ गते स्थानीय ठेकेदार ओजबहादुर नेपालीले काम लगाइदिने भन्दै सञ्तोषलाई छिमेकी देश भारतको उत्तराञ्चलको कर्णपर्याक भन्ने ठाउँमा लगेका थिए ।
माघ १ गतेदेखि सञ्तोष सोही ठाउँवाट बेपत्ता भएको ठेकेदार नेपालीले जानकारी दिएको आमा शान्ता नेपालीले बताइन । ‘ भारतवाट ठेकेदारले मैले जति खोज्दापनि भेटाउन सकिन तपाँईहरुपनि खोज्न आउनुस भन्नु हुन्छ,’ आमा शान्ताले भनिन् ‘तर हामीसंग भारत जान र छोराको खोजिगर्न पैंशा छैन ।’ उनले छोरा बेपत्ता भएको खवर आएदेखि संधै रोएरै रातदिन वित्ने गरेको बताइन ।
घरको आर्थिक अवस्था निकै कमजोर रहेका बालक नेपाली पढ्दा पढ्दै कामको खोजिमा ठेकेदारसंग लागेर भारत पुगेका बाबु कमलले जानकारी दिए ।
सञ्तोषलाई फेला पार्ने व्यक्तिलाई आफ्नो मोवाईल नम्वर ९८०९७७९८३२ मा फोन गरेर सूचना दिन आग्रह पनि गरेका छन् ।
