सल्यान, फागुन १० । सल्यानको मुलपानीमा शिव मन्दिर उद्घाटन गरिएको छ ।
शुक्रबार कपुरकोट गाउँपालिकाका अध्यक्ष भिमबहादुर सेनले मन्दिरको उद्घाटन गरेका हुन । गाउँपालिकाको ३ लाख रुपैंयामा मन्दिर निर्माण गरिएको निर्माण उपभोक्ता समितिका अध्यक्ष मोतिराम बुढाथोकीले जानकारी दिए ।
मन्दिर संगै चमेरे गुफा पनि रहेको छ । रमणिय र ऐतिहासिक महत्व बोकेको मुलपानीलाई पर्यटकीय क्षेत्रको रुपमा बिकास गरिने गाउँपालिका अध्यक्ष सेनले बताए ।
मन्दिरको प्रांगण फराकिलो बनाउने, तारवार गर्ने, सिढीमा रेलिङ निर्माण गर्ने जस्ता काम अझै बांकी रहेको र त्यसमा सघाउने उनले बताएका छन् ।
प्रकाशित मिति : २०७६ फाल्गुन १० गते शनिवार
