२०७८ असार ९ गते बुधवार

डिभाईंन टेम्पलले वलीका परिवारलाई नगद २१ हजार सहयोग गर्यो

झूपु क्षेत्री,
हापुरे, फागुन ६ । विदेशमा मृत्यु भएका पश्चिम दाङका सोमराज वलीको परिवारलाई तुलसीपुरस्थित डिभाईन टेम्पल परिवारले मंगलवार घरमै पुगेर आर्थिक सहयोग गरेको छ ।बबई गाउँपालिका वडा नं. ५ बबरपुर निवासी ३५ बर्षीय वलीको दुबईमा माघ १२ गते भवन निर्माणका क्रममा लडेर मृत्यु भएको थियो । २ बर्ष पहिले रोजगारीको सिलसिलामा वली त्यहाँ पुगेका थिए ।

सोमराज दुबई पुगेको १३ महिनामा उनकी पत्नि ३२ बर्षीया खिमा वली रुखबाट लडेर आधा शरिर नचल्ने अवस्थामा छिन् ।वलीका छोेराले तुलसीपुर ६ गोलौराको डिभाईन टेम्पलमा कक्षा ८ मा अध्यन गर्छन ।
विद्यालयका संस्थापक प्रिन्सिपल भोजराज न्यौपानेको नेतृन्वमा विद्यालयका कक्षा ८ मा अध्यनरत बिद्यार्थी पुगेर स्वर्गीय वलीप्रति श्रद्धाञ्जली व्यक्त गरेका छन् ।

त्यसक्रममा उनीहरुले घाइते अवस्थाकी वलीको उपचारमा सहयोग पुगोस भनेर २१ हजार नगद आर्थिक सहयोग गरेका थिए ।

त्यसक्रममा विद्यालयका प्रिन्सिपल न्यौपानेले वलीका छोराको कक्षा १२ सम्मको सम्पूर्ण पठन पाठन जिम्मा लिने प्रतिवद्धता जाहेर गरेका छन् । उनले आवासिय सुविधासहित कक्षा १२ सम्मको निशुल्क पढाउने व्यवस्था गरिने जानकारी दिए । उनले वलीको छोराको तिर्न बाँकी झन्डै ३० हजार बराबर शुल्कपनि मिनाहा गर्ने बताएका छन् ।

प्रकाशित मिति : २०७६ फाल्गुन ६ गते मङ्गलवार
प्रतिक्रिया दिनुहोस

Leave a Reply

Your email address will not be published. Required fields are marked *