Farakkon

News Portal From Nepal, 'Information, Your Rights'


डिएसपी शाहीलाई विभागिय कारवाही गर्न सिफारिस



दाङ,मंसिर ३ । इलाका प्रहरी कार्यालय कोहलपुर बाँकेका प्रहरी नायब उपरीक्षक (डिएसपी) हेमबहादुर शाहीलाई विभागीय कारबाही गर्न छानबिन समितिले सिफारिस गरेको छ। तरूण दल बाँकेका जिल्ला कोषाध्यक्ष केशर खड्कासँग प्रहरी आचरणविपरीत खसी मागेको आरोप पुष्टि भएपछि शाहीलाई विभागीय कारबाहीको लागि सिफारिस भएको हो।

प्रदेश नं. ५ का प्रहरी वरिष्ठ उपरीक्षक नरबहादुर केसीको संयोजकत्वमा गठित छानबिन समितिले आइतबार प्रदेश नम्बर ५ का प्रहरी नायब महानिरीक्षक सुरेशविक्रम शाहलाई प्रतिवेदन बुझाउँदै शाहीलाई विभागीय कारबाही सिफारिस गरेको हो।

शाहका अनुसार शाहीलाई कारबाही गर्न जिल्ला प्रहरी कार्यालयका प्रहरी उपरीक्षकलाई प्रतिवेदनउपर निर्देशन दिइने छ। प्रहरी आचरणविपरीत डिएसपी र प्रहरी नायब निरीक्षक सई सुरेन्द्रकुमार पन्तले खसी मागेको प्रतिवेदनले देखाएको हुँदा दुवैलाई विभागीय कारबाहीका लागि जिल्ला प्रहरी कार्यालयलाई लेखी पठाइने शाहले बताए ।

प्रहरी आचरणमा विभागीय कारबाही अन्तर्गत सचेत गराउने, नसियत दिने, ग्रेड रोक्का, बढुवा रोक्का तथा कसूर हेरेर एक तहसम्म घटुवा गर्न सकिने व्यवस्था छ।

प्रतिवेदनमा सुरूमा सई पन्तले खड्कालाई फोन गरेको देखिएन आएको उल्लेख गरिएको छ ।
पन्तले खड्कासँग सुरूमा खसी मागेको र त्यही फोन डिएसपी शाहीलाई दिएको र त्यसपछि उनले पनि खसी मागेको खुलेको छ।

यही अडिओ रेकर्ड झन्डै एक महिनापछि बाहिरिएको थियो। अडिओ बाहिरिएपछि डिएसपी शाहीले खड्कालाई ‘तिघ्रा छेडिदिने’ धम्की पनि दिएका थिए।

कात्तिक १४ गते तरुण दलका नेपालगन्ज नगर अध्यक्ष सन्दीपजंग शाहबाट बरामद हतियार छानबिन गर्दा प्रहरीले कानुनबमोजिम कारबाही गरेको देखिएको छानबिन समितिको निष्कर्ष छ।

यद्यपी तरुण दल नगरसभापति शाहले उक्त हतियार आफ्नो नभएको र प्रहरीले हतियार राखेर फसाउन खोजेको आरोप लगाएका थिए। सो हतियार उनकै भएको छानबिन समितिले देखाएको डिआइजी शाहले बताए।

हतियार प्रकरणमा मुछिएका सभापति शाह भने जेल चलान भइसकेका छन्।

सोमबार शाहलाई बाँके जिल्ला अदालतले कारागार चलानको आदेश दिएको हो।

शाह गत कात्तिक १४ गते राति साढे ८ बजे बाँकेको जानकी गाउँपालिका–६ गनापुरमा रहेको नमस्ते भिलेज रिसोर्टबाट अमेरिकन पेस्तोल र गोलीसहित पक्राउ परेका थिए।

शाहसँगै पक्राउ परेका अन्य तीन जनालाई भने एक लाख ५० हजार रुपैयाँ धरौटी मागेर अदालतले छोडेको छ।

त्यस्तै तरुण दल बाँकेका कोषाध्यक्ष केशर खड्का सोमबार राति पक्राउ परेका छन्। उनी लोकेन्द्र शाहीमाथि असोज २६ गते खुकुरी प्रहार गरेको घटनाका एक प्रतिवादी थिए।

ज्यान मार्ने उद्योगमा फरार रहेको आरोपमा खड्कालाई काठमाडौंबाट पक्राउ गरिएको हो। महानगरीय प्रहरी अपराध महाशाखाले पक्राउ गरी खड्कालाई आवश्यक कारवाहीका लागि कोहलपुर पठाएको छ।

 

प्रतिक्रिया दिनुहोस्

Your email address will not be published. Required fields are marked *

फेसबुक प्रतिकृया


    सोसल मिडिया

  • टुइटरमा पछ्याउनुहोस
  • फेसबूक पेज लाईक गर्नुहोस
  • युट्युब च्यानल सब्स्क्राइब गर्नुहोस
  • इमेल गर्नुहोस

हाम्रो टिम

अध्यक्ष
बिनिल केसी

व्यवस्थापन
दुर्गा खड्का


प्रधान सम्पादक
अर्जुन गिरी

सम्पादक
नारायण खड्का

मल्टिमिडिया
राजेश खत्री

ग्राफिक्स डिजाइनर
लालु चौधरी

रिपोर्टर
यमकला भुसाल
© २०१८ Farakkon.com सर्वाधिकार सुरक्षित | Website by : WitNepal