असोज २४ । भुटानमा जारी साफ यू-१५ महिला फुटबल च्याम्पियनिसपमा नेपाल दोस्रो खेलमा पराजित भएको छ ।शुक्रबार बंगलादेशसँग २–१ गोलले पराजित भएको छ । पहिलो हाफमा २ गोल खाएको नेपालले दोस्रो हाफमा एक गोल फर्काए पनि हार भने टार्न सकेन ।
१२ औं मिनेटमा बंगलादेशकी साहिदा अक्तर रिपाले गोल गर्दै सुरुवाति अग्रता दिलाएका थिइन् । २५ औं मिनेटमा बंगलादेशले पाएको पेनाल्टीमा गोल संख्या दोब्बर बनाउन पुग्यो । बंगलादेशकी कप्तान समसुन्नाले पेनाल्टीमार्फत गोल गरेकी थिइन् ।
६४ औं मिनेटमा अमिसा कार्कीले गोल गर्दै अग्रता २–१ मा झारेकी थिइन् । तर त्यसपछि नेपालले थप गोल गर्न नसके पछि पराजित हुन पुग्यो । यस अघि नेपाल आफ्नो पहिलो खेलमा भारतसँग पराजित भएको थियो ।
प्रकाशित मिति : २०७६ असोज २४ गते शुक्रवार
