असोज ५ । पाकिस्तानको बबुसार टप नजिकै आज यात्रुबाहक बस दुर्घटनामा हुँदा २६ जनाको मृत्यु भएको छ । दुर्घटनाका हुँदा अन्य १२ जना घाइते भएको स्थानीय प्रहरीले जनाएको छ ।
मृत्यु भएका र घाइते भएका मध्ये अधिकांश बालबालिका र महिला रहेको गिल्गिट बल्तिस्तान सरकारका प्रवक्ता फजुल्लाह फराकले जानकारी दिए । स्कार्दुदेखि रावलपिण्डीतर्फ जाँदै गरेका बेला बस दुर्घटना भएको हो । घाइतेमध्ये अधिकांश गिल्गिट बल्तिस्तानका रहेका छन् ।
घटनाका बारेमा अनुसन्धान प्रक्रिया सुरु भइसकेको प्रहरीले जनाएको छ । घाइतेहरुलाई उपचारका लागि जिल्ला अस्पतालमा भर्ना गरिएको प्रहरीले जनाएको छ ।
प्रकाशित मिति : २०७६ असोज ५ गते आइतवार
