तुलसीपुर,फागुन २ । राष्ट्रपति विद्यादेवी भण्डारी बुधबार दाङ आउदै छिन ।
नेपाल संस्कृत विश्वविद्यालय दाङले आयुर्वेद तर्फको बिएएमएस कक्षा संचालनका लागि निर्माण गरेको भवन उद्घाटन गर्न राष्ट्रपति भण्डारी (भोलि) फागुनको ३ गते बेलझुण्डी आउन लागेकी हुन ।
भबन उदघाटनमा रास्ट्रपति आउने भएपछी त्यसको तयारी तीव्र पारिएको मंगलबार नेपाल संस्कृत विश्वविद्यालयमा पत्रकार सम्मेलन गरि जानकारी दिइएको छ ।
नवनिर्मित भवनको उद्घाटन कोरोना महामारीका कारण रोकिएकाले अहिले सहज अवस्था बनेपछि उनी आउन नेपाल संस्कृत विश्वविद्यालय बेलझुण्डीका कुलसचिब माधब अधिकारीले जानकारी दिए ।
अधिकारीका अनुसार २०७२ सालपछि निर्माण गरिएको ३ वटा ब्लक रहेको बिएएमएस कक्षा संचालनका लागि निर्मित भवन औपचारिक उद्घाटन हुन बाँकी रहेकाले राष्ट्रपति भण्डारीको उपस्थितीमा कार्यक्रम आयोजना गरिएको हो ।
सानाठूला सबै गरी १ सय ८ वटा कोठा रहेको भवनमा विद्यार्थीको सैद्धान्तिक एवम् प्रयोगात्मक कक्षा तथा प्राध्यापकहरुको कोठा पनि रहेका उनले जानकारी दिए ।
२४ करोड ७२ लाख ८३ हजार ४ सय ६६ रुपैयाको लागतमा निर्मित भवनको रंगरोगन गरी उदघाटनका लागि सजाउने काम भएको उनको भनाई छ ।
बिएएमएसका लागि सबै वर्षको गरी त्यहाँ २ सय २५ जना विद्यार्थी अध्ययनरत छन् ।
साढे पाँच वर्षको पढाई हुने उक्त कक्षाका लागि आवश्यक पूर्वाधार तयार पारिएकाले यसको प्रचारप्रसार गर्न पनि राष्ट्रपतिको उपस्थितीमा उद्घाटन कार्यक्रम आयोजना गरिएको कुलसचिब अधिकारिले बताए ।
राष्ट्रपति भण्डारीले बुधबार बिहान ११ बजे नबनिर्मित भबनको उदघाटन गर्ने कार्यक्रम तय भएको पत्रकार सम्मेलनमा जानकारी दिइएको छ । 
तस्बिर : फरककोण ।
