दाङ, बैशाख ९ ।
दाङ तुलसीपुरको १४ बर्ष अघिको एउटा बलात्कार मुद्दामा सल्यानका एक युवक पक्राउ परेका छन् ।
सल्यानका प्रहरी प्रबक्ता देवराज भट्टराइका अनुसार जिल्लाको छत्रेश्वरी गाउँपालिका – ६ का ३० बर्षीय मोहन बिक मंगलबार पक्राउ परेका हुन ।
दाङ जिल्ला अदालतले बिकलाई बलात्कार मुद्दामा दोषी ठहर गर्दै ५ बर्ष बढी काराबासको सजाय सुनाएको थियो ।
बिक १४ बर्ष यता फरारको सूचीमा थिए । दाङ जिल्ला अदालतले प्रहरीको सहयोगमा सल्यान जिल्ला अदालतमा बिक मुद्दाको लगत पठाएको थियो ।
सोही बमोजिम पक्राउ पछि बिकलाई सल्यान अदालतमा पेश गरिएको र अदालतको आदेशले मंगलबार नै कारागार चलान गरिएको सल्यानका प्रहरी प्रबक्ता भट्टराइले बताए ।
प्रकाशित मिति : २०८३ बैशाख ९ गते बुधवार
