दाङ, भदौ ८ । रौतहटमा सुटकेश भित्र हत्या गरिएको अवस्थामा एक जना महिलाको शब फेला परेको छ ।
हत्या गरिएकी महिला रौतहटको माधवनारायण नगरपालिका –६ माधवपुर माइती भएकी २६ वर्षीया रूवीकुमारी साह रहेको प्रहरीले जानकारी दिएको छ ।
आमाले छोरीको पहिचान गरेको रौतहटका प्रहरी प्रबक्ता डिएसपी राजु कार्कीले बताए ।
रुबीकुमारीको बिहे भारतको मुजफ्फरपुरमा भएको थियो । रुबीकुमारी बिगत चार वर्षदेखि छोरा पढाउन भनेर रौटहटको गौर नगरपालिका –२ महादेवपट्टीमा बस्दै आएको भएपनि उनका श्रीमान भने भारतमा बस्दै आएको अनुसन्धानबाट खुलेको प्रहरीले बताएको छ ।
शनिबार राति साढे ९ बजे रौतहटको गौर नगरपालिका –९ गौर –सिरसिया सडक खण्डको मुडवलबा गेट नजिक सडक किनारमा डोरीले बाँधिएको अवस्थामा सुटकेश फेला परेको थियो ।
सुटकेस संकाष्पद देखेको हुँदा रातभरि प्रहरीले पहरा दिएर बसेको थियो । बिहान खोलेर हेर्दा सुटकेसमा महिलाको शब फेला परेको थियो ।
जस्को घाँटीमा घाँटीमा डोरी र सलले बाँधिएको थियो। घटनाबारे थप अनुसन्धान भइ रहेको प्रहरीले जनाएको छ ।
