चितवन,साउन २० । पहिरोका कारण अवरुद्ध नारायणगढ–मुग्लिन सडक खण्ड केहीबेरअघिदेखि सञ्चालनमा आएको छ ।
भरतपुर महानगरपालिका(२९ मा रहेको केराबारीमा पहिरो खस्दा गएराति २ बजेदेखि सडक अवरुद्ध भएको थियो ।
लेदोसहितको पहिरो हटाएपछि सडक सञ्चालनमा आएको जिल्ला प्रहरी कार्यालय चितवनले जनाएको छ ।
एक हप्ताको अवधिमा यस क्षेत्रमा पटक(पटक पहिरो खसेर सडक अवरुद्ध भइरहेको छ ।
बर्खाको समयमा नारायणगढ–मुग्लिन सडकमा यात्रा गर्दा सडकको अवस्थाबारे ख्याल गर्न प्रहरीले सबैमा अनुरोध गरेको छ।
प्रकाशित मिति : २०७९ साउन २० गते शुक्रवार
