घोराही, १२ मंसिर। घोराही उपमहानगरपालिकाका प्रमुख नरुलाल चौधरीले घोराही १७ गुलरिया स्थित जलाशयमा डुबेर घोराही १५ का लक्ष्मण डिसीको निधन भएको प्रति दुःख व्यक्त गर्नुभएको छ । नगर प्रमुख चौधरीले बुधबार शोक बिज्ञप्ती जारी गरी १८ बर्षिय डाँगीको निधन प्रति दुःख व्यक्त गर्दै श्रद्धान्जली व्यक्त गर्नुभएको छ ।
लक्ष्मणको अकल्पनीय र असामयिक निधनप्रति श्रद्धाञ्जली र उहाँको निधनबाट बिछिप्त परिवारजनमा गहिरो समवेदना व्यक्त गर्दछु उहाँले शोक बिज्ञप्तीमा उल्लेख गर्नुभएको छ । दुःखको यस घडिमा लक्ष्मण डाँगीका बुवाआमा तथा परिवारमा पीडालाई सहने धैर्यता प्राप्त गर्ने शक्ति प्राप्त होस भन्ने कामना गर्दछु । नगर प्रमुख चौधरीले जलाशयहरुलाई सुरक्षित बनाउन आबस्यक पूर्बाधारहरु निर्माण गर्ने र नागरिकहरुलाई सचेतनाका लागि वोर्डहरु राख्ने बिषयमा विषेश ध्यान दिने बताउनुभएको छ । साथै बिपद्को समयमा आबस्यक स्रोत साधन र दक्ष जनशक्ति उत्पादन तर्फ स्थानिय सरकार सचेत बनेको पनि बिज्ञप्तीमा उल्लेख गर्नुभएको छ । शोक बिज्ञप्ती मार्फत मैले सबै महानुभाबहरुलाई यी जलाशयहरुमा नुहाउन, पौडिखेल्न, कपडा धुनका लागि नपस्न र प्रयोग नगर्न अपिल गर्दछु भन्नुभएको छ ।
जलाशयहरुलाई सुरक्षित बनाउन र सचेतना बोडहरुलाई थप व्यवस्थित गर्न स्थानिय सरकारले तत्काल काम थाल्ने समेत जानकारी गराउदछु । साथै दिबंगत लक्ष्मणको खोजी कार्यमा सहभागि हुने प्रहरी प्रशासन, सुरक्षा निकाय, टोलबासी, अन्य नागरिक तथा जनप्रतिनिधी एवं कर्मचारीहरुलाई धन्याबाद दिनुभएको छ ।
