दाङ, पुस १७ । सुर्खेतमा ३८ दिनकी शिशु मृत अवस्थामा फेला पर्दा सुत्केरी आमासहित दुई जना अचेत अवस्थामा फेला परेका छन् ।
सुर्खेतको भेरी गंगा नगरपालिका – २ घर भइ बीरेन्द्रनगर नगरपालिका – १२ विरुवा बारीमा कोठा भाडामा बस्दै आएका ३२ बर्षीया तारा बुढाकी ३८ दिनकी छोरी मृत अवस्थामा र तारा र उनकी भदैनी १३ बर्षीया संगम बुढा बेहोस अवस्थामा फेला परेका हुन ।
ताराका १० बर्षीय छोरा प्रकाश बुढाको अवस्था भने सामान्ने रहेको सुर्खेत प्रहरीले जानकारी दिएको छ ।
बिहान साढे ९ बजेसम्म पनि ढोका नखुलेपछि घर बेटीले बोलाउँदा १० बर्षीय प्रकाशले ढोका खोलेका थिए । ३८ दिनकी शिशुको मृत अवस्थामा फेला पर्दा उनकी आमा तारा र ताराकी भदैनी अचेत अवस्थामा फेला परेका थिए ।
आमा छोरासहित तीनै जनालाई प्रदेश अस्पताल कालागाउँ सुर्खेतमा लगेर उपचार भइ रहेको छ ।
सर्खेतका निमित्त प्रहरी प्रबक्ता प्रहरी निरीक्षक श्यामप्रकाश यादवका अनुसार उनीहरु बुधबार बेलुका कोठा न्यानो गराउनका लागि कोइला बालेर सुतेका थिए ।
झयाल ढोका थुनेका कारण सोही कोइलाको बिशाक्त धुँवाले कोठा भरिएपछि ३८ दिनकी शिशुको मृत्यु हुन पुगेको पूर्व अनुमान गरिएको छ । बिषालु धुँवाले कोठा भरिएका कारण तारा र उनकी भर्दैनी बेहोस भएको प्रहरीले बताएको छ ।
