दाङ, असोज २८ । पूर्णबहादुर खड्का नेपाली काँग्रेसको कार्यबहाक सभापति तोकिएका छन् ।
कांग्रेसका सभापति शेरबहादुर देउवाले उपसभापति खड्कालाई मंगलबार कार्यबहाक सभापति तोकेका हुन ।
केन्द्रीय कार्यसमिति बैठकलाई सम्बोधन गर्दै सभापति देउवाले उपसभापति खड्कालाई कार्यवाहक सभापतिको जिम्मेवारी दिएका हुन ।
सभापति देउवाले सम्बोधनका क्रममा पार्टीको १५ औं महाधिवेशन तोकेको समयमै हुने बताए । उनले अब नियमित महाधिवेशन हुने पनि बताएका थिए ।
त्यस्तै उनले फागुन २१ गते तोकिएको प्रतिनिधिसभा निर्वाचनले मात्रै संविधानिक निकास पाउने बताए । काँग्रेसले चुनावमा भाग लिने भन्दै उनले अवको निकास निर्वाचनबाट मात्रै संभव रहेको बताएका थिए ।
सभापति देउवाले आफू पाँच पटक प्रधानमन्त्री भए पनि पूरा कार्यकाल चलाउन नपाएको बताएका थिए।
भदौ २४ गते जेनजी आन्दोलनका क्रममा बुढानिलकण्ठस्थित देउवा निवासमा आगजनी हुनुका साथै सभापति देउवा र देउवा पत्नि डा. आरजु राणा माथि निर्घात कुटपिट एवं आक्रमण भएको थियो ।
त्यसयता देउवा ३४ दिन पछि सर्वाजनिक भएका हुन । देउवा दम्पत्ति हाल घर भाडामा बस्दै आएका छन् ।
